31 yanvar tarixi Azərbaycan Xalq Cümhuriyyətinin banisi Məhəmməd Əmin Rəsulzadənin doğum günüdür.

Məhəmməd Əmin Rəsulzadə yardıcılığının yorulmaz araşdırıcısı qocaman jurnalist-pedaqoq Şirməmməd Hüseynov Azərbaycan Xalq Cumhuriyyətinin bansinin doğum gününü özünəməxsus şəkildə qeyd edəcək. O, bununla bağlı Modern.az-a açıqlama verib:

“Kiminsə tədbir keçirəcəyindən mənim xəbərim yoxdur. Yəqin ki, Bakı Dövlət Universitetində heç bir tədbir keçirilməyəcək. Amma mən Məhəmməd Əmin Rəsulzadənin anadan olmasının 129-cu ilini belə qeyd edirəm: bu il “Qanun” nəşriyyatı mənim hazırladığım, Rəsulzadənin əsərlərindən ibarət kitabın 4-cü cildini 500 nüsxə tirajla çap edib. Bu, 1917- 1918-ci illəri əhatə edir. Kitabın nüsxələrini universitetdə fakültənin müəllimlərinə pulsuz hədiyə verəcəyəm. Bununla da onun doğum gününü qeyd edəcəm. Bundan yaxşı qeyd etmək olar? Mən onun ad gününü əsərlərini yaşatmaqla qeyd edirəm”.

Şahanə RƏHİMLİ