Bakıda yaşayış binasında yanğın başlayıb. APA-nın hadisə yerində olan əməkdaşının verdiyi məlumata görə, hadisə Nərimanov prospektində (keçmiş Sovetski) qeydə alınıb.

Hadisə yerinə yanğınsöndürənlər cəlb edilib.

Fövqəladə Hallar Nazirliyinin Dövlət Yanğından Mühafizə Xidmətindən APA-ya bildirilib ki, hadisə yerinə 4 yanğınsöndürən maşın göndərilib. Hazırda yanğının qarşısının alınması istiqamətində tədbirlər davam etdirilir.