ETTELAAT (İran Kəşfiyyat Nazirliyi) nazirliyi son günlərdə İranda tutulmuş çoxsaylı jurnalistlərlə bağlı bəyanat yayıb.
ETTELAATın bəyanatında deyilir ki, son günlərdə tutulan jurnalistlər əsasən BBC-nin fars xidməti ilə əməkdaşlıqda günahlandırılırlar: “Tutulan jurnalistlər Böyük Britaniyanın psixoloji əməliyyat təşkilatı sayılan BBC ilə əməkdaşlıq edən bir şəbəkəyə daxildir. Onların BBC ilə əməkdaşlığını sübut edən möhkəm dəlil-sübutlar var və jurnalistlər dindirildikdən sonra məsələnin təfərrüatı ictimaiyyətə bildiriləcək.
Tutulan jurnalistlərin işi ilə bağlı araşdırmalar davam edir. Yaxın günlərdə bu şəbəkə ilə əməkdaşlıq edən daha bir neçə jurnalist ifadə verməyə çağırılacaq, ya da həbs ediləcək”.