Pakistan prezidenti Arif Alvi Milli Assambleyanın (parlamentin aşağı palatası) buraxılmasını təsdiqləyib.
Bu barədə Arif Alvinin mətbuat xidmətinin "X" sosial şəbəkəsindəki paylaşımında deyilir.

"Prezident Arif Alvi konstitusiyanın 58-1-ci maddəsinə uyğun olaraq baş nazirin (Şahbaz Şərif - red.) məsləhəti ilə Milli Assambleyanı buraxıb", - deyə paylaşımda bildirilir.

Xatırladaq ki, bundan əvvəl Pakistanın baş naziri Şahbaz Şərif ölkə prezidentinə Milli Assambleyanın vaxtından əvvəl buraxılması ilə bağlı bildiriş göndərmişdi.