Məlum ismayıllı hadisəsindən sonra Zaqatalada üsyan oldu-olacaq deyə məlumatlar elə yada belə yayılmaqdadı. Ismayıllı hadisəsi xalqin tam haqlı olduğu bir hadisə idi. Insanların narazılıqları diqqətə alınmalı, tələbləri yerinə yetirilməli idi. Bu hadisəyə səbəb olanlar xalqın razı qalacağı şəkildə cəzalandırılmalı idi. Burda əsas yük hakimiyyətin üzərinə düşürdü. Və eyni zamanda müxalifətində üzərinə yük düşürdü. Müxalifətin yükü məsələləri böyüdərək daha çox insanın pərişan olmasına yox, xalqı soyuqqanlı olmağa hakimiyyəti isə lazım olan addımı atmağa çağırmaq idi. Amma bu məsələni öz çıxarları üçün istifadə eden bəzi müxalifət (nəyin müxalifətidirlərsə artıq) nümayəndələri ora adamlarını göndərməklə, aksiyalar kecirməklə, xalqı üsyana çağırmaqla hadisələri fərqli məcraya yönəltməyə çalışdılar. Ölkədə bölgə bölgə xalqı üsyana qaldırmağa çalışan və Üsyana səsləyənlər ya məsələnin nələrə gətirib çıxaracağını anlamırlar yada artıq alverlərini ediblər.
Bir məsələyə diqqət çəkmək istəyirəm. Bir müddət öncə ölkədə etnik bölücülüklə bağlı məsələlər gündəmə gəldi fərqli düşüncələr fərqli yanaşmalar oldu. Aydın məsələdirki bu ölkəmizdə etnik kimlik kartından istifadənin testi idi. Yəni bu kartdan istifadə etmək şansı nə qədərdir deyə bir yoxlanış oldu. Baş rolda Rusiyanın olduğu bu oyunda bilərəkdən və bilməyərəkdən bəzi qüvvələr üstalıqla oynadı.
Rusiya açıq aydın ləzgi və avarların yenidən təşkilatlanması üçün ləzgi və avar liderləri bir araya gətirməklə əslində öz istəyini ortaya qoydu. Moskvada “Rusiya və Azərbaycanda yasayan ləzgi və avar xalqlarının problemləri və həlli yolları” adı altında bir konfrans təşkil etdilər.” Sadvalın xortladılması”da məsələnin bir qolu idi. Sonradan rusiyanın bakıdakı səfirinin Zaqatalada avar və ləzgi liderlərlə kecirdiyi gorüşlərdə rusiyanın ölkəmizdə bir etnik bölücülüyə meyilli olduğunu göstərdi. Bu etnik ayrımçıliqda cənub bölgəmizədə unutmadıqlarıda aydındır. (Iran faktoruda bu durumda gözardı edilməməlidir.)
Rusiya orqanizmdə xəstəlik yaratmaq üçün münbit səraitin yetişməsini gözləyən mikrob kimi oz planlarini həyata keçirmək üçün uyğun zamanı güdməkdə idi.
Ismayıllı hadisəsindən sonra yersiz çağırışlar edənlər, Ismayilliya guya dəstək verənlər əslində özlərinə xal toplamağa çalışıb-çabaladılar. Bu cabaların nəticəsi olaraq Ismayıllı hadisəsi öz məcrasından çıxaraq yuxarıda qeyd etdiyim münbit şəraitin formalaşmasına yardımçı oldu. Nəticədə Rusiya hesabladığı bölgələrdə işə basladı, növbəti “usyan” yerini zaqatala olaraq millətin süuraltına yeritməyə çalışdı və çalışır. Indi o qüvvələr düşünəcək ki bəli biz istənilən hadisəyə yön verəcək gücdəyik və bunu səndə qəbul edirsən. Xeyr siz sadəcə maşasiz. Xameyniyə lider deyəcək , xəbər saytlarınıza çılpaq qadın səkili qoyub ingiliscə yazılar yazacaq qədər “azad”, erməniylə müqavilə imzalayacaq qədər “bağımsızsız”. Bunu sadəcə xatırlatdım mənim dərdim millətin dərdidi…
Məsələ burasındadırki ən yaxşı tərəfdən düşünsək əgər bu gercəkdən xalqın öz istəyi ilə etirazi olarsa və bu etiraz ölkədə bir qarışıqlıq yaradarsa o zaman orqanizmdə münbit sərait gözləyən mikrob kimi rusiyanın öncədən hazırladığı planlarə işə düşəcək. Bu plan nə dərəcədə xalqımızın birliyinə təsir edəcək yada etməyəcək o ayrı məsələdir, amma düşmənin əlinə silah verib icində patron olub-olmadığını gözləmək düzgün addım sayılmaz. Istənilən halda düsmənin əlinə fursət verməməyə çalışmaq, xalqımızın birliyini qorumaq, bölgələrimizdə insanlarımızın etirazlarını, istəklərini diqqətlə dinləyib dərdlərinə çarə bulmaq başda hakimiyyət olmaqla hər birimizin borcudur və bu borc xalqımızı üsyanlara çağırmaqdan ibarət deyil. Usyana çağırışlar rusiyanin planlarına uyğundur və artıq rusiya istəklərini zəminini hazirlamaqdadır.
Məncə artıq aydındır NIYƏ ZAQATALA?