İlkin məlumatlara əsasən, 2023-cü ilin yekunlarına görə, Azərbaycanda bank sektorunun aktivləri 2022-ci ilin sonuna olan göstərici ilə müqayisədə 4,5 faiz artaraq, 49,2 milyard manata çatıb.

Bunu Azərbaycan Banklar Assosiasiyasının (ABA) prezidenti Zakir Nuriyev "Nailiyyətlər və Çağırışlar" mövzusunda forumda çıxışında deyib.

"Bankların kredit portfeli 2022-ci ilin sonuna olan göstərici ilə müqayisədə 18,3 faiz artaraq, 23,2 milyard manata çatıb", - o deyib.