ABŞ dövlət katibi Antoni Blinken Yaxın Şərqdə münaqişənin İsrailin təhlükəsizliyini təmin edəcək və eyni zamanda fələstinlilərin maraqlarına cavab verəcək həll yolunun tapıla biləcəyinə əminliyini ifadə edib.
Bu barədə Amerika KİV-ləri xəbər verib.

"Əminəm ki, İsrailə davamlı sülh və təhlükəsizlik gətirə biləcək və Fələstin xalqının istəklərinə cavab verə biləcək gələcəyə aparan bir yol var", - deyə A.Blinken bildirib.

"Associated Press" agentliyinin məlumatına əsasən, Səudiyyə Ərəbistanının vəliəhd şahzadəsi Məhəmməd bin Salmanla görüşdən sonra A.Blinken qeyd edib ki, dörd ərəb ölkəsi və Türkiyə münaqişənin bitməsindən "sonrakı günləri"nin planlaşdırmasında iştirak etməyi nəzərdən keçirir.

"Biz Qəzza zolağına sabitlik və bərpa prosesində kömək etmək üçün birgə işləmək və səyləri əlaqələndirmək barədə razılığa gəldik", - deyə o əlavə edib.