Azərbaycanın Göygöl rayonunda baş verən ailə münaqişəsi ölümlə nəticələnib. Hadisə oktyabrın 28-də saat 01.30 radələrində Göygöl rayonunun Fərzəliyev qəsəbəsində qeydə alınıb. Qəsəbə sakini Sahil Məlikov əmlak bölgüsü ilə əlaqədar baş vermiş münaqişə zəminində yaşadıqları evə və qardaşı Xəyalın üstünə benzin tökərək yandırıb. Nəticədə yanıq xəsarəti ilə xəstəxanaya yerləşdirilmiş Xəyal noyabrın 1-də orada ölüb. S. Məlikov Göygöl rayon Polis Şöbəsi əməkdaşları tərəfindən tutulub.