ETTELAAT (İran Kəşfiyyat Nazirliyi) məmurları İran müxalifətinin liderindən biri olan Mirhüseyn Musəvinin qızlarını yaxalayıb.
Fevralın 11-də evdə 3 saat yoxlama aparan məmurlar Zəhra və Nərgiz Musəvini naməlum istiqamətə aparıblar.
Qeyd edək ki, İrandakı “yaşıl hərəkat”ın lideri olan Mirhüseyn Musəvi həyat yoldaşı Zəhra Rəhnəvərdlə birlikdə iki ildir ev dustaqlığında saxlanır. Zəhra və Nərgiz Musəvi valideynlərinin durumu ilə bağlı mediaya açıqlama verdiklərinə görə dəfələrlə təhdid və təzyiqə məruz qalıblar.