Avropa Birliyinə (AB) üzv ölkələrin Azərbaycandakı səfirləri və səfirlik nümayəndələri cəbhə bölgəsinə səfər ediblər.

Səfər AB-nin Azərbaycandakı nümayəndəliyinin təşəbbüsü ilə baş tutub.

Böyük Brityaniya, Latviya, Almaniya, Fransa, Litva, Yunanıstan, Norveç və digər diplomatik nümayəndəliklərin təmsilçiləri oktyabrın 31-i və noyabrın 1-də Füzuli rayonunda olublar.

Diplomatlar rayon rəhbərliyi, yerli əhali, məcburi köçkünlərlə görüşüb, cəbhə bölgəsindəki vəziyyətlə tanış olublar.

Azərbaycan və Ermənistan qoşunlarının təmas xəttində atəşkəs rejiminin tez-tez pozulması görüşlərdə əsas müzakirə mövzularından biri olub.

Diplomatlar artıq Bakıya qayıdıblar.