ABŞ Dövlət Departamenti fevralın 12-də bəyanat yayaraq İranın 5 sənaye qrupuna və bir İran vətəndaşına sanksiya qoyduğunu açıqlayıb.

Bəyanatda deyilir ki, İranın nüvə proqramına yardım etdiklərinə görə İran Elektronika Sənayesi Şirkəti, İran Dəniz Sənayesi Təşkilatı, Şəhid Bakiri Sənaye Qrupu, Şəhid Səttari Sənaye Qrupu və İran Müdafiə Nazirliyi ABŞ hökumətinin sanksiyasına məruz qoyulur.

Bəyanatda həmçinin bildirilir ki, ABŞ Dövlət Departamenti İranın nüvə proqramı ilə əməkdaşlıq edən İran vətəndaşı Milad Cəfəriyə sanksiya qoyur.