Yanvar ayında Türkiyə Rusiyadan 4,32 milyard dollar həcmində məhsul idxal edib. Bu, idxal edilən məhsul və xidmətlərin ümumi həcminin 16,5 faizini təşkil edir.

Bu barədə Türkiyə Statistika İnstitutunun məlumatında deyilir.

Türkiyəyə ixrac həcminə görə, Rusiyadan sonrakı dörd yeri Çin (2,89 milyard dollar), Almaniya (1,91 milyard dollar), ABŞ (1,4 milyard dollar) və İtaliya (1,18 milyard dollar) tutur. Ölkəyə idxal edilən məhsulların 44,7 faizi siyahıdakı ilk beş ölkənin payına düşür.