İranın paytaxtı dəyişdiriləcək. Bu xəbəri bəzi səhmləri dövlətə məxsus “Gənc Qəzetçilər Klubu” saytı yayıb. Məlumata görə, İran paytaxtı Tehrandan Təbrizə köçürüləcək. Xəbər müəllifləri bu məsələnin bir müddətdir parlamentin gündəmində olduğunu və planın artıq icra mərhələsinə çatdığını iddia edir. Qanunvericilər arasında məsələ ilə bağlı fikir ayrılığı var.
Paytaxtın köçürülməsi Tehranda əhalinin çoxluğu, nəqliyyatın sıxlığı, zəlzələ riski və atmosferin çirkliliyi ilə əsaslandırılır.