Güney Azərbaycandan əldə olunan son məlumatlara əsasən, son bir ayda Əhmədinəjad dini lider Xamneyilə üç dəfə qapalı görüş keçirib.Əhmədinəjada yaxın mənbələrdən əldə olunan məlumatlara görə onların görüşləri əsasən rejim daxili münaqişələrə həsr olunub.Əhmədinəjad tərəfdarlarının fikrincə Xamneyi prezidentə tövsiyə edib ki qarşıdan gələn seçkilərə qədər rejim daxili ixtilafları gündəmə gətirməsin.lakin Əhmədinəjad dini lederi bütün ixtilafların təməli onun özü olduğunu Xamneyinin üzünə dediyini yaxınlarına bildirib.Əhmədinəjad hətta yaxınlarına bildirib ki,: Əlimdə Xamneyinin əleyhinə elə tutarlı faktlar var ki,onları üzə çıxarsam Xamneyi başını götürüb ölkədən qaçar.Başqa bir mənbəimizin bildirdiyinə görə rejim daxili ixtilafları dərinləşdirən iranın keçmiş prezidenti və indiki rejimin məsləhətini müəyyənləşdirən şuranın sədri Haşimi Rəfsəncanidir.Mənbə bildirir ki Rəfsəncani Xamneyi və Əhmədinəjadi biri birinə qarşı qoyaraq hər ikisini sıradan çıxarıb bütün sistemi ələ keçirmək fikrindədir.
Bütün bunlarla yanaşı iran rejimi ölkədə ciddi iqtisadi və siyasi böhranla üz üzə qalıb.Xalq üsyanıdan vahiməyə düşən rejim əhalini qorxuda saxlamaq üçün hər gün iranın bütün bölgələrində əhlinin gözü qarşısında edamlar həyata keçirir.
Ölkədə qeyri faras millətlərin separatizim meyilləri günü gündən artmaqdadır Milli hüquq və azadlıqları uğrunda fəaliyyət göstərən çoxlu sayda fəal həbs olunaraq təziqlər altında saxlanır.
Rejimin təhlükəsizlik sistemi daxilindədə parçalnma olduğu bildirilir.Məlum olduğu kimi iranda ayrı ayrılıqda iki təhlükəsizli təşkilatı möcuddur onların biri Sepahe pasdaran digəri isə kəşfiyat nazirliyi (Ettelaat) olaraq tanınır mənbələrimiz bildirir ki bu iki təşkilat arasında ciddi ixtilaflar var Sepahe Pasdaranın təhlükəsizlik sistemi əsasən Xamneyinin və mühafizəkarların dediklərini heçbir sorğu sual etmədən həyata keçirir və iranın rəsmi təhlükəsizli nazirliyinin işlərinə müdaxilə etdiyi üçün aralarında ixtilaf günü gündən dərinləşdiyi bildirilir.
Bu arada Əhmədinejadın tərəfdarları Laricanini ayaqqabı, daş, və möhürlə qarşıladılar
Fevralın 10-da İran prezidenti Mahmud Əhmədinejadın tərəfdarları Qumda çıxış etmək istəyən parlament sədri Əli Laricanini ayaqqabı, daş, və möhürlə qarşılayıblar.
İran islam inqilabının ildönümü münasibətilə Qum şəhərində Həzrət Məsumə hərəmində çıxış etmək istəyən Əli Laricani gözlənilmədən Əhmədinejadın yüzə yaxın tərəfdarının kəskin etirazı ilə qarşılaşıb. Əhmədinejadın şəkillərini və üzərində “Yaşasın bahar” sözləri yazılmış plakatları gəzdirən etirazçılar “Bizə bəsirətsiz sədr lazım deyil”, “Laricani, bəsirət, bəsirət”, “Bəsirətsiz elita (nüxbələr zümrəsi), xalqımıza başıaşağılıq gətirir” və digər şüarları səsləndirməklə Əli Laricaninin çıxışına mane olublar. İran parlamentinin sədri çıxışını davam etdirməyə çalışanda etirazçılar tribunaya yaxınlaşmağa cəhd göstəriblər və Laricaninin üstünə ayaqqabı, daş, möhür, yumurta atıblar. Vəziyyətin gərginləşdiyini görən Laricani çıxışını dayandırmaq məcburiyyətində qalıb və mühafizəçilərinin müşayiəti ilə səhnəni tərk edib.Rejim daxili gərginliyə münasibətində Sistemin Məsləhətini Müəyyənləşdirən Qurumun rəhbəri ayətullah Haşimi Rəfsəncani jurnalistlərə açıqlama verib. Rəfsəncani deyib ki, hakimiyyət ictimai rəyə hörmətlə yanaşmalıdır: “Təəssüf, bir çoxlarının əsas meyarı öz qüdrətlərini qoruyub saxlamaqdan ibarətdir. Halbuki ölkənin durumu yaxşı deyil. Problemlər çoxdur. Bu gün ali təhsilli insanlar, mütəfəkkirlər və digər imanlı şəxslər ölkəyə hakim şəraitdən narahatdırlar. Bəziləri müxalifdir, bəziləri isə mövcud durumdan narazı olsalar da, ölkə idarəçiliyində buraxılmış səhvlərin aradan qaldırılmasına çalışırlar. Müsbət dəyişiklik yaratmaq həm vacib, həm də mümkündür. Daha doğrusu, dini lider istəsə, ölkənin yolunu dəyişə, onu islam inqilabının əvvəlki hədəflərinə qaytara bilər.
Biz daxili siyasətimizdə dəyişiklik etməli, xalqa tərəf hərəkət etməliyik. Yəni cəmiyyətə və ictimai rəyə hörmətlə yanaşmalıyıq. Çünki bunsuz iş qabağa getmir. İnqilabın qələbəsi də elə həmin insanların fədakarlığı nəticəsində əldə edilib. Bizlər həbsdə olanda da həmin insanlar küçələrə axışıb bizi zindanlardan qurtardılar. Elə buna görə də hesab edirəm ki, insanların rəyinə və səsinə qiymət verilməlidir. Bəzən hətta bir səs də müəyyən bir cərəyanı dəyişə bilər. Xalq onun rəyinə və səsinə qiymət verilməsinə əmin olmalı, inanmalıdır. Əgər özümüz sağlam davranıb, dünya ilə də sağlam münasibətlər qura bilsək, mövcud problemləri asanlıqla aradan qaldırmaq mümkündür”.

Iranın iqtisadi durumuda durmadan gərginləşməkdə davam edir ölkə daxilində bahalıq,ərzaq qıtlıqı və işsizlik tüğyan edir.Dövlət məmurları və onlara yaxı olan mafiya qurplaşmaları ardı kəsilmədən ölkənin büdcəsini və milli sərvətlərini talamqda davam edirlər nəticədə yenə bütün çətinliklər xalqın üzərinə düşür.İranın nüvə proqramının dayandırılması üçün İrana qarşı tətbiq edilən sanksiyalar nəticəsində 2011-ci ilin sonu ilə müqayisədə bu ölkənin neft ixracı təqribən yarıya qədər azalıb.Bu barədə Beynəlxalq Enerji Agentliyinin (BEA) hesabatında yazılıb. Hesabatda bildirilib ki, cari ilin yanvar ayında İranda karbohidrogen hasilatı son 30 ildə minimum həddə enib: “Bu ölkədə gündəlik neft hasilatı 2.65 milyon barelə enib. Halbuki sanksiyalardan öncə İran hər gün 3.7 milyon barel neft çıxarırdı. İrana qarşı sanksiyalar bu ölkənin gəlirini 40 milyard dollar azaldıb. Bu isə ölkənin milli valyutasının dəyər itirməsinə səbəb olur”.Bütün bunlara baxmayaraq Iranın dini lideri ayətullah Əli Xamneyi fevralın 7-də ordunun hava qüvvələri komandirləri ilə görüşərək bəzi hökumət rəsmilərinin ABŞ-la birbaşa danışıqlarla bağlı son bəyanatlarına münasibət bildirib.

Xamneyi deyib ki, mövcud ixtilafları aradan qaldırmaq üçün ABŞ-la birbaşa danışıqlar aparılması problemin həllinə yardım etmir: “Bəziləri ya sadəlövhlükdən, ya da qərəzdən ABŞ-la müzakirələrə sevinirlər. Halbuki müzakirə özü-özlüyündə problemin həllinə yardım göstərmir. Mən diplomat deyiləm, inqilabçıyam, sözümü birbaşa və səmimi deyirəm. Siz amerikalılar silahı İrana doğru tutur, sonra da bizimlə müzakirə etmək istədiyinizi bildirirsiniz. Lakin İran xalqı belə şeylərdən qorxmayacaq”.

ABŞ prezidentinin müavini Co Bayden fevralın 2-də jurnalistlərə açıqlamasında Vaşinqtonun Tehranla birbaşa danışıqlar aparmağa hazır olduğunu deyib: “İran və onun dini lideri ciddi olsalar, ABŞ bu ölkə ilə birbaşa danışıqlar aparmağa hazırdır”.

Co Baydenin bu bəyanatından sonra İran Xarici İşlər Naziri Əli Əkbər Salehi jurnalistlərə açıqlamasında ABŞ-ın İrana yönəlik mövqeyini müsbət saydığını vurğulayıb: “Baydenin bu təklifi ABŞ hökumətinin İrana yanaşmasında müsbət dəyişiklikdən xəbər verir”.

Misirdə səfərdə olan İran prezidenti Mahmud Əhmədinejad isə fevralın 6-da jurnalistlərə açıqlamasında Co Baydenin son bəyanatını “müsbət və yeni təklif” kimi qiymətləndirib: “Əgər ABŞ rəsmiləri bu bəyanatları ilə yanaşı rəftarlarını da dəyişsələr, İran onların bu təklifinə müsbət yanaşacaq”.

İranın keçmiş xarici işlər naziri, dini lider ayətullah Əli Xamneyinin beynəlxalq işlər üzrə baş müşaviri Əli Əkbər Vilayəti fevralın 5-də jurnalistlərə açıqlamasında növbəti prezident seçkisindən danışıb.

Əli Əkbər Vilayəti deyib ki, mühafizəkarlar birləşməli, növbəti seçkidə prezident postunu öz əllərində saxlamağa cəhd göstərməlidirlər: “Üsulçular (mühafizəkarlar) birgə çıxış edəcəkləri təqdirə seçkinin qalibi olacaqlar. Biz buna çalışmalıyıq. Yox, üsulçular bir-birindən uzaqlaşıb ayrı-ayrılıqda fəaliyyət göstərsələr və qarşıdan gələn seçkidə prezident postu üsulçuların əlində qalmasa, o zaman müsibətlə üz-üzə qalacağıq. Belə olan halda isə ölkənin idarəsini yenidən ələ keçirmək üçün daha 8 il çalışmaq lazım gələcək.

Yenə deyirəm. Üsulçular seçki ərəfəsində birləşməlidir. Prezident seçiləcək şəxs mütləq konstitusiyanı olduğu kimi qəbul edən, ölkənin dini lideri ayətullah Xamneyiyə itaət edən şəxs olmalıdır”.

Əli Əkbər Vilayəti, Xamneyinin qudası Qulaməli Həddad Adil və Tehranın hazırkı meri Məhəmmədbağır Qalibaf bu yaxınlarda “2+1” kimi tanınan seçki koalisiyası yaradıblar. Yanvarın 15-də onlar deputat Hüseyn Müzəffəri koalisiyanın qərargahına rəhbər təyin ediblər.


Bu arada İranda Azərbaycana qarşı ərazi iddiası ilə çıxış edən siyasətçilərə daha bir nəfər əlavə edilib. Bu ayətullah Seyid Məhəmmədbaqir Xərrazidir. Adı çəkilən şəxs bu il İranda keçiriləcək prezident seçkilərində namizəd qismində iştirak edəcək. O deyib ki, əgər prezident olsa, İrandan ayrılan Tacikistan, Ermənistan və Azərbaycan torpaqlarını qaytaracaq. Namizəd bəyan edib ki, İrandan ayrılan “torpaqlar”ın qaytarılması onun seçkiqabağı kampaniyasının əsas proqramı olacaq. O xüsusilə qeyd edib ki, prezident olsa, bu torpaqları qan tökmədən geri qaytaracaq. Xatırladaq ki, İran tərəfindən daima Azərbaycana qarşı ərazi iddiaları irəli sürülür. Bu işin başında molla rejiminin durduğu hər kəsə gün kimi aydındır.
Bütün bu gərginliklər fonunda iran rejimi ölkədə zor gücüilədə olsa sabitliyi qorumağa çalışır və ardı kəsilmədən siyasi fəallara qarşı ciddi təziqləri davam etdirir.İranın Kəşfiyyat Nazirliyi (ETTELAAT) fevralın 5-də bəyanat yayaraq xarici media, o sıradan da BBC ilə əməkdaşlıqda günahlandırılan daha bir qrup jurnalisti tutduğunu açıqlayıb.
Bəyanatda tutulan jurnalistlərin sayı və kimliyi haqda hər hansı məlumat verilməyib. Bəyanatda deyilir: “Tutulan jurnalistlər həm ölkədə, həm də xaricdə BBC ilə əməkdaşlıq edən bir şəbəkə ilə əlaqədə olublar. Şəbəkənin mərkəzi özəyi Londondadır. Bu mərkəzlə birbaşa əlaqədə olan və onunla əməkdaşlıq edən daha üç şaxə isə Brüssel, Paris və İstanbulda fəaliyyət göstərir və tutulan jurnalistlər həmin şaxələr vasitəsilə şəbəkənin özəyi ilə əlaqə saxlayıblar”.

ETTELAAT əməkdaşları yanvarın 26-dan bəri daha 17 jurnalisti tutub: Əli Əkbər Müntəcəbi, Cavad Dəliri, Sasan Ağayi, Nəsrin Təxəyyüri, Mütəhhirə Şəfiyi, Nərgiz Cudəki, Emili Əmrai, Puriya Aləmi, Pejman Musəvi, Səba Azərpeyk, Süleyman Məhəmmədi, Milad Fədai Əsl, Hüseyn Yağçı, Keyvan Mehreqan, Əli Dehqan, Fatimə Sağərçi və Reyhanə Təbatəbayi. Tutulan jurnalistlərdən yalnız Mütəhhirə Şəfiyi iki gün saxlandıqdan sonra mülk girovu qarşılığında müvəqqəti azadlığa buraxılıb.

Mühacir kürdlər Urmu şəhərində planlı şəkildə daşınmaz əmlak alırlar
Güney Azərbaycanın Urmu şəhəri və ətraf bölgələri kürd türrorçu təşkilatlarının hədəfində olaraq qalır.

Məlumata görə, keçən həftə ərzində mühacir kürdlərinin Urmu şəhərində daşınmaz əmlak almalarında xüsusu aktivlik hiss olunub. Soyuq Bulaq (Mahabad), Xana (Piranşəhr), Bəykəndi (Bukan) və s. bölgələrdən gələn kürdlər planlı və sistemli bir şəkildə Urmu şəhərinin özəl məntəqələrində apartman evləri alırlar. Kürdlər nəzərdə tutduqları məntəqələrdə apartman evlərini ələ keçirmək məqsədi ilə bir neçə qat artıq pul verməyə belə hazırdılar. Onların bu əməli o qədər şübhə doğurub ki, Urmuda tikinti və alım-satım şirkətləri kürdlərin planlarını anlayıb və onlara daşınmaz əmlak satmaqdan imtina etməyə başlayıblar. Bu barədə Batı Azərbaycanın Milli Müdafiə Komitəsi xəbər yayıb.

Qeyd edək ki, mənbənin yaydığı məlumata görə, mühacir kürdlərin Urmunun özəl məntəqələrində bir neçə qat baha qiymətə daşınmaz əmlak almaları xüsusi nigaranlıq doğurur və bu əməlin arxasında məkrli planların olduğunu göstərir.Xatırladım ki,Fevralın 9-da İran Xalq Mücahidləri Təşkilatının Bağdadın yaxınlığında yerləşən düşərgəsinə raketlərlə hücum edilib. Hadisə nəticəsində 5 nəfər həlak olub, 40 nəfər isə yaralanıb. "Frans Press" xəbər agentliyinin verdiyi məlumata əsasən, İraq rəsmiləri bu hadisənin baş verdiyini təsdiqləyib və hadisə zamanı 3 nəfər polis məmurunun da yaralandığı bildirib. "Liberti" düşərgəsinə hücumdan dərhal sonra BMT bəyanat yayaraq İraq hakimiyyətindən hadisəni dərhal araşdırmağı tələb edib. Hadisə ilə bağlı məsuliyyəti heç bir qruplaşma öz üzərinə götürməyib.
Qeyd edək ki İran Xalq Mücahidləri Təşkilatı İranın mövcud rejiminə qarşı mübarizə aparan təşkilatdır. Bu təşkilatın üzvləri 80-ci illərdə İran hakimiyyətinə qarşı silahlı mübarizə aparıb. Son 30 il ərzində təşkilatın üzvlərinin bir çoxu İraqda "Əşrəf" düşərgəsində yerləşdirilmişdi. Lakin ötən il İraq hakimiyyəti onların ölkəni tərk etməsi barədə qərar verməsindən sonra ABŞ və İraq arasında olan razılaşmaya əsasən "mücahidlərin" İraqda qalan üzvləri Bağdadın yaxınlığında olan "Liberti" düşərgəsinə yerləşdirilib. "Mücahidlər" ABŞ və digər Qərb dövlətləri tərəfindən terrorçu təşkilatlar siyahisinda olsalar da, ötən ildən etibarən bu siyahıdan çıxarılıb.
İranın Ermənistandakı səfiri Azərbaycanın dövlətçilik tarixini şübhə altına alaraq yenə sərsəmlədi!
“Kiçik bir ölkə heç bir zaman həm ərazisinə, həm də əhalisinin sayına görə özündən böyük olan ərazini özünə birləşdirə bilməz”.
Bunu İranın Ermənistandakı səfiri Məhəmməd Rəis erməni jurnalistlərin “Güney Azərbaycanın Azərbaycan Respublikasına birləşdirilməsi ilə bağlı səslənən fikirlərə münasibətiniz necədir” sualını cavablandırarkən deyib.
Səfir Azərbaycanın tarixi keçmişini şübhə altına alaraq, Azərbaycanın dövlət kimi 1918-ci ildə yaradıldığını bildirib:
Ancaq “Cənubi Atrpatakanın” əhalisi hesabına Azərbaycan Respublikasının əhalisinin sayı artıb. Şərqi və Qərb Atrpatakan İranın vacib bölgələri və ayrılmaz hissələridir”.

Xatırladım ki,İranın Erməni sifət səfiri bunu Aanmalıdır ki,Azərbaycan türklərinin birləşmək iradəsinin qarşısında nə Rus,nə Fars,nədə Erməni dığaları dayana bilməyəcək fars molla rejimi və onun yaratdığı qondarma Ermənistan əzəli-əbədi Türk torpağıdır və çox çəkmədən bu müqəddəs torpaqlar öz sahibləri olan Türklərə qaytarılacaq farslar və ermənilər gəldikləri yerlərə Əəfğanistana və Hindistana qayıtmlı olacaqlar.


Bu arada Ağ Evin veb-saytının “Biz xalqıq” səhifəsində prezident Obamanı İranda azərbaycanlıların hüquqlarının pozulması probleminə diqqət yetirməyə çağıran müraciət barəsində başladılan İmzatopla Kampaniyası İran rejimini vahiməyə salıb.Azərbaycanlıları İmzatoplama Kampaniyasına qoşulmaqdan vaz keçdirməyə çalışan fars şovinizmi müxtəlif vasitələrə əl atır.Təbrizin səhənd Telekanalı “Qövmlər və inqilaba zidd olanlar” adlı bir proqram yayıb. Proqramda məlum olduğu kimi İranın rəsmi mövqeyi anladılıb və milli mübarizənin absurd (puç) olduğununa dair dəlillər gətirilib. Diqqətə layiq məqam ondan ibarətdir ki, bu günə qədər Azərbaycan Milli Hərəkatı və Güney Azərbaycan Televiziyasını (GünAz TV) zəif və təsirsiz olduğunu deyən rejim, hər ikisindən də ad aparıb.
Lakin bütün bunlara baxmayaraq Ağ evin rəsmi saytında nəzərdə tutulan 100 min imza toplanaraq Güney Azərbaycan məsələsi ağ evin gündəminə gəlməkdədir.
Rejimin təhlükəsizlik məmurları Güney Azərbaycan milli hərəkat fəallarına qarşı təqib və təziqləri dahada gücləndirib.Qarşıdan gələn 21 fevral beynəlxalq anadili günü ərəfəsində milli fəallara qarşı təziqlar dahada artıb son məlumatlara əsasən Ettelaat məmurları 100 yaxın milli fəalı sorğu suala çağıraraq onlara təhdidlə bildirib ki, 21 Fevral ərəfəsində hər hansı bir aksiya və ya sabitliyi pozmaq cəhdiləri olduqu təqdirdə onları ciddi cəzalar gözləyir.Təhdidlərlə yanaşı təhlükəsizlik məmurları milli fəallardan bu yaxınlarda hansı tədbirləri və planları nəzərdə tutduqları haqda ciddi sorğu suallar edilib.Ettelaata çağrılan bir qurup milli fəal sərbəst buraxılsalarda bəziləri hələdə təcridxanada saxlanırlar.
MDHP Güney Azərbaycan Departamentinin Rəhbəri
Əlirza Amanbəyli