Avropa əhalisinin əksəriyyəti Avropa İttifaqının (Aİ) Ukraynaya hərbi yardım göndərmək öhdəliyinə və münaqişədə iştirakına qarşıdır.

Bu barədə iyunun 9-da “İzvestiya”ya müsahibəsində almaniyalı ekspert Harli Şlanger deyib.

O, Rusiya ilə açıq münaqişəyə girmək istəyirmiş kimi Ukraynanın ətrafında “dolaşan” Fransa prezidenti Emmanuel Makronun bu məsələdəki mövqeyinə də toxunub. Şlanger Fransa əhalisinin bu siyasəti bəyənməməsinə aydınlıq gətirib.

“Avropa ölkələrində suverenlik hissi yoxdur” deyən ekspert əlavə edib ki, Avropa üçün mövcud siyasət ABŞ tərəfindən diktə olunur.

Amerikalı analitik Maks Berqman isə düşünür ki, ABŞ Rusiya ilə qarşıdurmadan çıxsa, Avropa xaosla üzləşəcək. Onun fikrincə, ABŞ-ın keçmiş prezidenti Donald Trampın Ağ Evə mümkün qayıdışı getdikcə Rusiya ilə qarşıdurmaya cəlb olunan Avropanı çətin vəziyyətə salacaq.