Rəsmi Kiyev artıq Vaşinqtonun Rusiya ərazisinə zərbələr endirmək üçün ABŞ silahlarından istifadə etmək icazəsindən yararlanıb.

Bunu ABŞ Prezidentinin milli təhlükəsizlik məsələləri üzrə köməkçisi Ceyk Sallivan CBS telekanalına müsahibəsində bildirib.

O vurğulayıb ki, Vaşinqtonun bundan əvvəl rəsmi Kiyevə qoyduğu qadağa məntiqli deyil: "Ona görə də dövlət başçısı Ukraynanın xahişini təmin etmək qərarına gəldi".

Qeyd edək ki, mayın 30-da “Politico” qəzeti ABŞ Prezidenti Co Baydenin Ukraynaya Rusiyaya zərbə endirmək üçün ABŞ silahlarından istifadə etməyə gizli icazə verdiyini yazmışdı.