“Urmiya gölü qurumağa davam edir”. “Mehr” xəbər agentliyinin məlumatına görə, bunu İranın Qərbi Azərbaycan vilayətinin Su İdarəsinin sədri Nağı Kərimi deyib.

O bildirib ki, Urmiya gölünə tökülən çayların üzərində daha 9 bənd də tikilir: “Yeni bəndlərin tikintisi davam edir. Hazırda Urmiya gölünə axan çayların üzərində 11 bənd var. Onlar 2 milyard kubmetr su tutumuna malikdirlər. Bu bəndlərin tikintisinə və gölə axan sulara nəzarət olmadığı üçün bu gün Urmiya tamam quruyur”.