Urmu gölünün quruması nəticəsində ətraf ərazilərdə yerləşən 100-dən çox kənd tamam boşalıb.

“Oyannews” saytının yaydığı məlumatına görə, həyat şəraiti ağırlaşan, dolana bilməyən əhali Tehran və başqa şəhərlərə köçməli olub.



Urmu gölünün quruması nəticəsində yeraltı sular da duzlaşıb, əkin sahələri yararsız hala düşüb, bölgədə şirin su qıtlığı yaranıb. Nəticədə əhali əkinçiliklə və heyvandarlıqla məşğul ola bilməyib.



Bölgədə 120-dən çox meyvə bağının tamam məhv olduğu və çoxlu sayda şirin su quyusunun yararsız hala düşdüyü də bildirilir.