İranda islahatçı jurnalist Ehsan Mazəndərani tutulub. Bununla son bir ayda həbsə salınan jurnalistlərin sayı 18 nəfərə çatıb.

İran Kəşfiyyat Nazirliyinin (ETTELAAT) əməkdaşları “Etimad” qəzetinin əməkdaşı Ehsan Mazəndəranini fevralın 20-si sübh saatlarında evində tutub Tehranın Evin zindanına aparıblar. Evdə yoxlama aparılıb, jurnalistlə məxsus kompüter və bir sıra şəxsi əşyalar götürülüb.

ETTELAAT əməkdaşları yanvarın 26-dan bəri daha 17 jurnalisti tutub. Onlardan 3-ü (Mütəhhirə Şəfiyi, Cavad Dəliri və Hüseyn Yağçı) mülk girovu qarşılığında müvəqqəti azadlığa buraxılıb.

Jurnalistlər xarici ölkələrdə fəaliyyət göstərən bir sıra “əks-inqilabçı” media və telekanallarla, o sıradan da BBC ilə əməkdaşlıqda günahlandırılır.