Novella Cəfəroğlu (Cəfərova )hər kəsin sevgisini qazanan dəyərli bir xanımdır. Onun xidmətləri, xeyli insanın həbsdən çıxmasına kömək etmək, yüzlərlə insanın hüquqlarını müdafiə etməklə bitmir.
Milli azadlıq hərəkatındakı möhtəşəm xidmətləri,buna qədər Sovet imperiyasına qarşı gizli fəaliyyəti bu döyüşçü xanımın əsas cəhətlərinin nədən ibarət olduğunu göstərir.

Novella xanım bu ölkə üçün bir dəyərdir, nümunədir, onun qərarına hörmətlə yanaşmaq lazımdır. Novella Cəfəroğlu Müsavat Partiyasından istefa verməsi onun əleyhinə aparılan kampaniyaya qarşı ən düzgün addım idi.

O, hər zaman, xalqına, dövlətinə bağlı olub.
Bu gün ona dil uzadanlar onun və arkadaşlarının sözü və əməyi ilə ,istismar etdikləri fəaliyyəti ilə önə çıxıblar.
Novella xanıma qarşı hücumları pisləyirəm. Müsavat partiyasından getmək qərarına da hörmətlə yanaşıram.

Zaman-zaman ona belə hücumlar təşkil olunub.Amma dostları, onu olduğu kimi tanıyan insanlar hər zaman Novella xanımın yanında olub.
Bundan sonra da belə olacaq!

İstiqlalçı deputat,MDH sədri Fərəc Quliyev.