İspaniyaya sığınmış iranlı qaçqınlara qarşı casusluqla məşğul olan 3 İran vətəndaşı tutulub.

İspaniya Daxili İşlər Nazirliyinin yaydığı bəyanatda bildirilir ki, tutulan şəxslər iranlı qaçqınlara yardım göstərən İspaniyanın qeyri-hökumət təşkilatlarından birinə nüfuz edibmiş. Onlar İran İslam Respublikasına müxalif olan iranlılar haqda məlumat toplayıb İranın xüsusi xidmət orqanlarına ötürürmüşlər.

Həbs edilənlərdən biri İranın İspaniyadakı səfirliyinin işçisidir.

Tutulanların adları açıqlanmayıb.