Bakıda güclü yanğın olub. Fövqəladə Hallar Nazirliyinin verdiyi məlumata görə, hadisə Xətai rayonunda vətəndaşa məxsus şirkətin ərazisində qeydə alınıb. Həcmi 150 kubmetr olan çənin içərisində olan 80 kubmetr bitumdan sobaya və ətrafa dağılmış 10 kubmetr bitum yanıb.

Hadisə yerinə cəlb olunmuş yanğınsöndürənlər tərəfindən çən, eləcə də çəndə olan bitum yanğından mühafizə olunub, yanğın söndürülüb.