Bir neçə gün öncə Tikantəpənin (Tikab) ETTELAAT (İran Kəşfiyyyat Nazirliyi) məmurları tərəfindən tutuqlanan milli-mədəni fəallar Qoşaçayın ETTELAAT idarəsinə köçürülüblər.

Elman (Yədullah) Dəşti və Əli Hidayəti tutuqlandıqdan sonra, evləri və iş yerlərində axtarış aparılıb və onlara məxsus türk dilində kitablar və kompüter keysi zəbt olunub.

Xatırladaq ki, Əli Hidayəti Tikantəpə Elmi-karbordi universitetinin “Aydın” öyrənci dərgisinin keçmiş müdir-məsulu olub. O, bundan öncədə dəfələrlə təhlükəsizlik qüvvələri tərəfindən tutuqlanıb və müxtəlif təzyiqlərə məruz qalıb.