Yanğınsöndürənlər alovun qarşısını alaraq, mənzilin qalan hissəsini yanğından mühafizə ediblər

Paytaxtın Suraxanı rayonunda doqquzmərtəbəli yaşayış binasında yanğın baş verib. Fövqəladə Hallar Nazirliyinin mətbuat xidmətindən verilən məlumata görə, nəticədə binanın beşinci mərtəbəsində ümumi sahəsi 60 kvadratmetr olan dörd otaqlı mənzilin bir otağı və ev əşyaları yanıb.

Yanğınsöndürənlər alovun qarşısını alaraq, mənzilin qalan hissəsini yanğından mühafizə ediblər. Yanğın zamanı 10 nəfər sakin təxliyə edilib.