Azərbaycan və Türkiyənin silahlı qüvvələri arasında əməkdaşlıq gücləndirilir. Bunu çərşənbə günü Bakıda Türkiyə Cümhuriyyətinin Baş Qərargahının idarə rəisi, general-polkovnik (korgeneralı) Musa Avsever deyib.

Avsever bildirib ki, Azərbaycan bölgənin ən güclü dövlətlərindən biridir.

Azərbaycanda səfərdə olan Türkiyə Silahlı Qüvvələrinin generallarının Müdafiə Nazirliyində və digər rəsmilərlə görüş keçirəcəyini deyən Avsever bildirib ki, görüşlərdə məqsəd iki ökənin silahlı qüvvələrinin əməkdaşlığını gücləndirməkdir.

Qeyd edək ki, Azərbaycanda səfərdə olan Türkiyə nümayəndə heyətində quru qoşunları, hərbi hava, hərbi dəniz qüvvələri, Silahlı Qüvvələrin Baş Qərargahının və digər qoşun növlərinin 21 zabiti və 9 generalı var.