Avropa Birliyinə daxil olan heç bir dövlət suriyalı müxaliflərə silah verməyi təklif etməyib. Bu barədə Avropa Birliyi diplomatiyasının başçısı Ketrin Eşton bəyan edib.

«Suriyaya dair debatlarda heç bir üzv dövlət silah verilməsi embarqosunu ləğv etməyi və silah verməyi təklif etməyib», deyə Avroparlament deputatlarının suallarına cavab verən Eşton bildirib.

Dünən isə Böyük Britaniyanın baş naziri Devid Kemeron bildirib ki, London Avropa Birliyini Suriya müxalifətinə silah verilməsinə qoyulmuş qadağanı ləğv etməyə inandıra bilməsə, «öz bildiyi» kimi hərəkət edəcək.