Güney Azərbaycanın Marağa şəhərində qeyd olunan “Yel Çərşənbəsi” mərasimləri polis qüvvələrinin hücumuna məruz qalıb və yerli əhali ilə hökumət qüvvələri arasında qarşıdurma baş verib.
Güney Azərbaycan Milli Hərəkatından dvam.az saytına daxil olan Məlumata görə, “Traxtur” futbol takımının köynəklərini geymiş gənclər “Yel Çərşənbəsi” mərasimlərini sevinclə qarşılayıb və şənlik edirmişlər. Lakin, bu anda polis qüvvələri mərasim iştirakçılarına hücum edib və soydaşlarımıza qarşı zorakı hərəkətlərə yol verib və onları döyməyə başlayıblar. Behrad Xudayarı adlı soydaşımız xüsusi amansızlıqla döyülüb.
Digər soydaşlarımız isə Xudayarıyə yardım etmək məqsədi ilə hökumət qüvvələrinə sərt reaksiya verib və buda cidi qarşıdurmaya səbəb olub. Nəticədə bir polis əməkdaşı yaralanıb və xəstəxanaya aparılıb. Bu barədə yeni xəbər olacağı təqdirdə oxucularımızın diqqətinə çatdırılacaq.