Martın 13-də yerli vaxtla saat 10:00-da İsveçrənin Cenevrə şəhərində İran əleyhinə aksiya keçirilib. Bu barədə davam.az saytına aksiya iştirakçısı, İsveçdə yaşayan Güney Azərbaycan Milli hərəkatın tanınmış fəallarından olan soydaşımız Duman Savalan məlumat verib. O bildirib ki, aksiyada İranda yaşayan millətlərin, hətta farsların da bir neçə insan haqları müdafiəçisi qatılıb: “Piketdə əsasən azərbaycanlılar, ərəblər və bəluçlar iştirak etdi. Həbsdə olan azərbaycanlı siyasi məhbusların, eləcə də edam cəzasına məhkum edilən ərəb fəalların fotolarını nümayiş etdirdik. “Türk dili rəsmi dil olsun!”, “Yaşasın Azərbaycan!”, “Siyasi məhbuslara azadlıq!” kimi şüarlar səsləndirdik. Məqsədimiz İranda qeyri-fars millətinə mənsub siyasi məhbuslarının vəziyyətiylə bağlı İran hakimiyyətinə etiraz etmək idi”.
Duman Savalan əlavə edib ki, keçən həftədən başlayaraq BMT İnsan Haqları Şurasının 22-ci iclası, İsveçrənin Geneva şəhərində keçirilməkdədir. Bu iclasda İrandakı İnsan haqları vəziyyətini də müxtəlif sahələrdə, o cümlədən qadınlar, siyasi məhbuslar, qeyri Fars milliyyətlər, Məzhəbi azınlıqlar vs qonular ələ alınıb, araşdırırlar.Bu üzdən Geneva və özəlliklə BMT məqərri bütün rəsmilər və habelə insan haqları təşkilatlarının diqqət mərkəzindədir. Bu aksiyanı təşkil edənlər, bu fürsəti dəyərləndirib, İranda qeyri fars siyasi məhbuslarının durumu haqda iran rejiminə etiraz etmək idi.