Azərbaycanlı milli-mədəni fəal Babək Bəqayi Sarabın inqilab məhkəməsində 6 ay həbs cəzasına məhkum edilib.
Hakim Xatiri azərbaycanlı fəalı sistemin əleyhinə təbliğdə günahlandırıb.
Təbriz universitetinin öyrəncisi Babək Bəqayi 2012-ci il iyulun 29-da Sarab şəhərinin ETTELAAT məmurları tərəfindən öz ata evində tutuqlanıb və ETTELAAT idarəsinin təcridxanasında bir neçə gün işgəncələr altında sorğu-suala tutulduqdan sonra Təbrizin ETTELAAT idarəsinə intiqal edilib. O, hələlik 50 milyon tümənlik mülki vəsiqə qarşılığında azadlıqdadır.
Adını çəkdiyimiz milli-mədəni fəalın tutuqlanması Sarab şəhərinin fəallarına qarşı həyata keçirilən təzyiqlər sırasında baş verib. Hazırda Sarabda tutuqlanan 10 milli-mədəni fəalın məhkəmə prosesləri gedir.