İranda daha iki nəfər - Baş Müfəttişlik Təşkilatının rəisi Mustafa Purməhəmmədi və parlamentin keçmiş deputatı, islahatçı Mərdomsalari Partiyasının rəhbəri Mustafa Kəvakibiyan prezidentliyə namizədliyini irəli sürüb.

Mustafa Purməhəmmədi martın 17-də jurnalistlərə deyib ki, prezident seçkisinə bir mühafizəkar kimi qatılacaq. O, islahatçı namizədləri özü üçün ciddi rəqib saydığını bildirib.

Həmin gün İran parlamentinin keçmiş deputatı, islahatçı Mərdomsalari Partiyasının rəhbəri Mustafa Kəvakibiyan da jurnalistlərlə görüşündə prezidentliyə namizədliyini rəsmən irəli sürdüyünü bəyan edib.

İranda növbəti prezident seçkisi bu ilin iyununda keçiriləcək.