İsrail prezidenti Şimon Peres İran təhlükəsini hərbi yolla həll etməyə daha çox üstünlük verdiyini bəyan edib.

Şimon Peres qeyd edib ki, bir sıra amillər İranın nüvə probleminin hərbi həllini zəruri edir. «Müxtəlif ölkələrin kəşfiyyat xidmətləri qətiyyətlə bildirirlər ki, problemi həll etmək üçün vaxt getdikcə azalır. Güman edirəm ki, hökumətimiz bundan nəticələr çıxarır», deyə İsrail prezidenti bəyan edib.

Prezidentin bəyanatı bir də onunla maraqlıdır ki, bu günlərdə İsrail mətbuatında baş nazir Binyamin Netanyahunun İrana qarşı hərbi əməliyyat keçirmək üçün nazirlərlə danışıqlar aparması barədə məlumatlara geniş yer verilir.