Güney Azərbaycanın Məlikan şəhərində divarlar üzərinə milli-mədəni fəalların azadlığını tələb edən şüarlar yazılıb.


Qızlar körpüsü və Çayüstü məntəqələrində diqqəti cələb edən şüarlar, əsasən tutuqlu fəallar Oxtay (Abbas) Vəlizadə, Mehdi Kuxiyan və Əhməd Riyazi Mübarəkinin azadlığının tələbi ilə bağlıdır.


Qeyd edək ki, Oxtay Vəlizadə və Mehdi Kuxiyan 3 aya yaxındır qəti bir qərar olmadan Marağa zindanında saxlanılır. Əhməd Riyazi Mübarəki isə Təbrizin Qumtəpə məhəlləsində iftar mərasimi zamanı 28 nəfərlə birlikdə tutuqlanan fəallardan biridir. O, 7-ci aydır Təbriz zindanında həbsdədir.