ETTELAAT-ın (İran Kəşfiyyat Nazirliyi)Güney azərbaycanlı fəallara qarşı təzyiqləri durmadan davam edir.


Məlumata görə, yenicə müvəqqəti azadlığa buraxılan milli-mədəni fəal Bəhmən Xaliqinin Binab şəhərində yerləşən kitab mağazasının lisenziyası ləğv edilib. ETTELAAT məmurları heç bir qanuni səbəb olmadan azərbaycanlı fəalın gəlir mənbəsinə əl qoyublar.


Qeyd edək ki, azərbaycanlı milli-mədəni fəal Bəhmən Xaliqi bir müddət öncə Marağada, İranla Ermənistanın əlaqələrinə etiraz əlaməti olaraq keçirilən kütləvi etirazlarla bağlı Hüccətul-İslam Əzimi Qədimlə birlikdə tutuqlanıb və Təbrizin ETTELAAT idarəsinə intiqal edilmişdir. O, ETTELAAT-ın təcridxanasında işgəncələr altında sorğu-suala tutulduqdan sonra Marağa zindanına köçürülmüşdür.

Azərbaycanlı fəal hazırda mülki vəsiqə qarşılığında müvəqqəti olaraq sərbəst buraxılıb.