Bərdə şəhərindən 15 km şimalda zəlzələ baş verib. Bu barədə FHN-nin rəsmi saytında məlumat verilib.
Məlumatda deyilir ki, 28 mart 2013-cü il tarixində saat 02:14-də Böhran Vəziyyətlərində İdarəetmə Mərkəzinə, Azərbaycan Milli Elmlər Akademiyası Respublika Seysmoloji Xidmət Mərkəzindən daxil olmuş məlumata əsasən, 28 mart 2013-cü il tarixində Bakı vaxtı ilə saat 01:25-də Bərdə şəhərindən 15 km şimalda zəlzələ qeydə alınıb.
Yeraltı təkanların gücü episentrdə 3 bal olub.
Yeraltı təkanlar Bərdə şəhərində hiss olunub.
İlkin məlumata əsasən dağıntı və insan tələfatı olmayıb.