Təbrizin “Traktorsazi” futbol klubu İran çempionatında növbəti qələbəsini qazanıb. 31-ci tur çərçivəsində komanda səfərdə keçirdiyi oyunda “Damaş”ı 2:1 hesabı ilə məğlub edib. Çempionatda Cənubi Azərbaycanı təmsil edən yeganə komanda olan “Traktorsazi”nin qollarını birinci hissədə Məsud İbrahimzadə və Seyid Məhəmməd Salehi vurub. Bu qələbədən sonra Təbriz təmsilçisi xallarının sayını 58-ə yüksəldib və lider “İstiqlal”la xal fərqini 2-yə endirib.

Qeyd edək ki, “Traktorsazi” rəqiblərinə nisbətən bir oyun çox keçirib.