DAVAM.Az bildirir ki, Standartlaşdırma, Metrologiya və Patent üzrə Dövlət Komitəsindən verilən xəbərə görə, Nazirlər Kabinetinin müvafiq qərarına əsasən, martın 31-də saat 4.00-da Azərbaycan Respublikası ərazisində əqrəblər 1 saat irəli çəkilməklə yay vaxtına keçiləcəkdir.
Nazirlər Kabinetinin “Azərbaycan Respublikası ərazisində yay vaxtının tətbiq edilməsi haqqında” 1997-ci il 17 mart Qərarına əsasən, hər il mart ayının son bazar günü saat 4.00-da əqrəblərin bir saat qabağa çəkilməsi ilə yay vaxtına keçilir. Hər il oktyabrın son bazar günü isə saat 5.00-da əqrəblərin bir saat geri çəkilməsi ilə yay vaxtı ləğv edilir. Qərarın həyata keçirilməsinə nəzarəti Standartlaşdırma, Metrologiya və Patent üzrə Dövlət Komitəsi həyata keçirir.