Türkiyə hökuməti PKK lideri Abdulla Öcalanın İmralı həbsxanasından təlimatlar verməsinin qarşını almaq üçün tədbirlər görəcək.

Türkiyə mətbuatına istinadən verdiyi məlumata görə, bunu Türkiyə baş nazirinin siyasi məsələlər üzrə baş sözçüsü, Ədalət və İnkişaf Partiyasının Ankaradan olan millət vəkili Yalçın Akdoğan bildirib. Yalçın Akdoğan deyib ki, dünyanın heç bir demokratik ölkəsində bir məhkum həbsxanadan təhdidlər yağdıra, terror təşkilatını idarə edə, terror olayları ilə bağlı təlimatlar verə bilməz: “Abdulla Öcalanla bağlı vəziyyət çox yaxşı müzakirə olunası bir mövzudur. Hesab edirəm ki, bununla bağlı bəzi tədbirlər görüləcək”.