Beynəlxalq Atom Enerjisi Agentliyinin baş direktoru Yukio Amano bildirib ki, onun başçılıq etdiyi agentlik xeyli vaxtdır İranın nüvə proqramının hərbi xarakter daşıyıb-daşımadığına aydınlıq gətirməyə çalışır.

Aprelin 2-də jurnalistlərə açıqlamasında Yukio Amano deyib: “Ehtimal edirik ki, İran İslam Respublikası gizli şəkildə atom bombası istehsalı ilə məşğuldur. Əlbəttə, biz buna tam əmin deyilik. Lakin bizdə olan məlumatlar göstərir ki, İran həm keçmişdə, həm də hazırda nüvə partlayışları ilə bağlı avadanlıqların inkişafı istiqamətində bir sıra işlər aparıb və bu işləri indi də davam etdirir. Məhz buna görə də biz İranın fəaliyyətindən narahatıq”.