Avropa Birliyinin xarici işlər naziri Ketrin Eşton aprelin 4-ü Ankarada jurnalistlərə açıqlamasında İranla Qərb arasında keçiriləcək növbəti nüvə danışıqlarından danışıb.

İranla “5+1” qrupu (ABŞ, Böyük Britaniya, Fransa, Rusiya, Çin və Almaniya) arasındakı növbəti danışıqlar aprelin 5-i və 6-da Qazaxıstanın Almatı şəhərində keçiriləcək.
Ketrin Eşton deyib ki, Almatı danışıqlarının nəticə verəcəyinə nikbin yanaşır: “Mən həmişə nikbin olmuşam. İndi də bu danışıqlara nikbin baxıram. Lakin həmişə də demişəm ki, biz Tehrandan müsbət cavab gözləyirik. Hesab edirəm ki, İran Almatı danışıqlarında “5+1” qrupunun təklifinə cavab verməlidir”.