Çağırışçılar xidmət edəcəkləri hərbi hissə barədə əvvəldən məlumat ala biləcəklər

Azərbaycanda çağırışçılar xidmət edəcəkləri hərbi hissə barədə əvvəldən məlumat ala bilərlər. Səfərbərlik və Hərbi Çağırış üzrə Dövlət Xidmətinin (SHÇDX) rəsmi internet saytında belə bir məlumat xidməti təqdim edilib.

Vətəndaşlar saytın sual-cavab bölməsinə daxil olaraq, özləri barədə əsas bilgiləri daxil etməklə, elektron müraciət əsasında hansı hərbi hissədə xidmət edəcəklərini öyrənə bilərlər. Məxfilik qorunmaq üçün məlumat çağırışçının elektron poçt ünvanına göndəriləcək.