Şimali Afrika telekommunikasiya operatorları Azərbaycanın ilk "Azerspace 1" peykinin resurslarından istifadə etməyə başlayıblar. Bu barədə bazar ertəsi jurnalistlərə açıqlamasında rabitə və informasiya texnologiyaları naziri Əli Abbasov bildirib.
Nazirin sözlərinə görə, Azərbaycanın peyk operatoru "Azərkosmos" ASC mayın birindən etibarən "Azerspace 1" peykinin resurslarının 40 faizini reallaşdırmağa başlayıb.
Həmçinin yerli teleradio kanallarının Azərbaycan peykinin resurslarında yerləşdirilməsi üzrə texniki işlər başa çatıb. Bu gün teleradio kanalları ilə müqavilələrin bağlanılması, həmçinin peyk televiziyası üçün antenalardan istifadə əsas vəzifədir.