FAO-nun fikrincə, bu həm ərzaq təminatındakı qeyri-sabitliyi aradan qaldırar, həm də bütün dünyada ətraf mühitin çirklənməsini azaldar.

Tövsiyələrdə bildirilir ki, əksər ölkələrdə həşəratların qida kimi istifadə edilməsinə mane olan əsas amil insanların həşəratlardan iyrənməsidir. Halbuki onlar böyük protein mənbəyidir.

FAO xatırladıb ki, hazırda dünyadakı həşəratlardan 1,9 mini yemək üçün yararlıdır. Bura bəzi böcəklər, tırtıllar, arılar, qarışqalar və s. aiddir.

Təşkilat xüsusi vurğulayıb ki, belə qida xüsusilə arıq uşaqlar üçün qida mənbəyidir, çünki həşəratların əksəriyyətində yağ turşularının səviyyəsi yüksəkdir. Nəhayət, FAO ekspertləri hesab edir ki, həşəratların yetişdirilməsi ətraf mühitə iri buynuzlu mal-qaranın yetişdirilməsindən daha az zərər vurar.