Türkiyənin “World Travel Channel” telekanalının 4 nəfər əməkdaşı Azərbaycanda səfərdədir. Mədəniyyət və Turizm Nazirliyinin mətbuat xidmətindən verilən məlumata görə, səfərin məqsədi Azərbaycanın turizm potensialını əks etdirən sənədli filmin hazırlanması və Türkiyənin "World Travel Channel" telekanalında yayımlanmasıdır.

Bununla əlaqədar mayın 8-18-də Bakı, Quba, İsmayıllı, Şəki, Qəbələ, Lerik, Lənkəran, Naftalan və Gəncədə çəkilişlərin aparılması nəzərdə tutulub.

Qeyd edək ki, “World Travel Channel” telekanalın əməkdaşları Azərbaycana 2012-ci ildə də Bakıda keçirilən "AİTF" Beynəlxalq Turizm və Səyahət Sərgisi çərçivəsində səfər edib.