Yaxın vaxtlarda Gəncə iki beynəlxalq tədbirə ev sahibliyi edəcəkdir.
Gəncə Şəhər Gənclər və İdman Baş İdarəsinin rəisi Müşfiq Cəfərov demişdir ki, bunlardan biri USEİF-ın təşkilatçılığı ilə Azərbaycanda təhsil alan xarici tələbələrin forumudur. 100-ə qədər xarici tələbənin qatılacağı tədbir mayın axırlarında reallaşacaqdır. İkinci tədbir isə Gənclərin Mədəniyyətlərarası Əməkdaşlıq Liqası Təşkilatı tərəfindən həyata keçiriləcəkdir.” Gəlin bir-birimizi tanıyaq!” adlı tədbirdə Avropanın 6 ölkəsindən 24 nəfər gəncin iştirakı gözlənilir.
Müsahibin sözlərinə görə, hər iki tədbirin keçirilməsində əsas məqsəd gənclərin dünyaya inteqrasiyası, eləcə də Azərbaycanın qədim şəhərlərindən olan Gəncəni dünyaya tanıtmaqdır.