Bildiyimiz kimi 1 iyun Uşaqların Beynəlxalq Müdafiəsi Günüdür. Hər il bu münasibətlə bir sıra xeyriyyə aksiyaları həyata keçirilir. Bu ildə Qan Donorları Assosiasiyası və “Yeraltı kitab” evinin təşkilatçılığı ilə könüllü qanvermə aksiyası keçiriləcəkdir.
İyunun 1-də B.Eyvazov adına Elmi Tədqiqat Hematologiya və Transfuziologiya İnstitutunun Mərkəzi Qan Bankında təşkil olunacaq aksiyada sağlamlığı imkan verən hər kəs iştirak edə bilər.
Aksiyanın keçirilməsində məqsəd irsi qan xəstəliklərindən əziyyət çəkən uşaq və yeniyetmələrin qana olan ehtiyaclarını ödəməkdir.
Üç saat davam edəcək aksiyada toplanacaq qan hemofiliyalı və talassemiyalı uşaqların müalicəsində təmənnasız istifadə olunacaqdır.