İran İslam Cümhuriyyətində fərdi və cəmi hüquqların pozulması, iqtisadi sıxıntılar və s. kimi problemlər bir çox fəsadlara yol açıb. Vaxtı ilə Azərbaycan bölgələri nakomaniya (mötadlıq) problemindən nisbətən uzaq olsaydılar da, artıq həmin bölgədən inanılmaz xəbərlər gəlir.
Qərbi Azərbaycan Valiliyinin Ailə və Qadın işləri üzrə baş müdiri qadınların narkotik (müxəddir) maddələrinə meyillənməsi və onun səbəbindən danışıb.

Şəhla Tacfər Qərbi Azərbaycanın ailə və qadın işləri qrupunun iclasında bildirib ki, “təəssüflə yaxşı əhval-ruhiyyənin olmaması və depresiya qadınların narkotik maddələrinə meyillənməsində əsas rol oynayır.”

O vurğulayıb ki, narkomanların (mötad) 13 faizinin qadın olması ciddi nigaranlıq doğurur və bu vəziyyət islah olmalıdır.

Ş.Tacfərin sözlərinə görə, problemlə mübarizə aparmaqdan daha çox onun önlənməsi mühümdür. “Belə bir yıxıcı bəlanı qadınlardan uzaqlaşdırmaq üçün səlahiyyətli orqanların dəqiq proqramları olmalıdır”-deyə valilik rəsmisi vurğulayıb.