Güney Azərbaycanın Şərqi Azərbaycan əyalətində (ostan) Nasir Məhəmmədian adlı şəxsin rəhbərliyi ilə "Azərbaycan tarixi" adlı xalça toxunub.
İranın İRİNN xəbər kanalının yaydığı məlumata əsasən, Xalçada Azərbaycanın tarixi yerləri və şəxsiyyətlərinin şəkilləri əks olunub.
Xalçanın çəkisi 3 tondur, uzunluğu 24 metrdir. Xalça qoz ağacından hazırlanmış qabın içərisinə yerləşdirilib. Xalçanın üzərində Azərbaycanın tarixi abidələri və tanınmış simalarından Şəhriyar, Baqirxan, Səttarxan, Zeynəb Paşa, Şəms Təbrizi, Mövlanə, Məhəmmədtəqi xan, Pərvin Etisami və digərlərinin şəkillləri toxunub.
Xalçanın toxunulmasına 2 il öncə başlanılıb və o hazırda Təbriz şəhər muzeyində saxlanılır.