İranda Ətraf Mühiti Mühafizə Təşkilatının rəisi Məsumə Ebtikar avqustun 11-də jurnalistlərə açıqlamasında sürətlə qurumaqda olan Urmiya gölündən və bu prosesin sonrakı fəsadlarından danışıb.
Məsumə Ebtikar deyib ki, Urmiya gölünü yenidən bərpa etməkdən başqa çarə qalmayıb: “Urmiya gölünü bərpa etmək layihəsi iranlı mütəxəssislərin və beynəlxalq məşvərətlərin yardımı ilə həyata keçiriləcək. Şübhə yoxdur ki, Urmiya gölü quruyub tamamilə məhv edilsə, artıq əkinçilik və kənd təsərrüfatı da məhv ediləcək.

Aydın məsələdir ki, qurumuş və duz qalağına çevrilmiş bir gölün yanında kənd təsərrüfatı da olmayacaq. Elə buna görə də hesab edirik ki, kənd təsərrüfatı işi ilə məşğul olanlar arasında əkin və sumarma qaydaları dəyişməli, ona bir sıra düzəlişlər edilməlidir”.