Qərbi Azərbaycan vilayətinin məntəqə su şirkətinin müavini Urmu gölünün acınacaqlı durumundan danışıb.
Əfşin Deyləmi gölün indiki vəziyyəti ilə bağlı bunları deyib:

“Urmu gölündə suyun həcmi 1375 və 76-cı illərdən (hicri-şəmsi təqvimi ilə) bəri 95 faiz azalıb, vüsət baxımından isə gölün 80 faizdən çoxu quruyub. Hazırda sadəcə gölün şimal hissəsində biraz su mövcuddur.”

O gölün su səthi barəsində qeyd edib ki, “Urmu gölünün su səviyyəsi tarazlığı təxminən 1270.16 metrdir. Bu rəqəm keçən illə müqayisədə 8 faiz azalma göstərir.”

Gölün ağır vəziyyətindən danışan Ə.Deyləmi hazırda gölün nicatı uğrunda bir sıra orqanların iş apardığını diqqətə çatdırıb.