İran və Güney Azərbaycanda təhsil ocaqlarının açılışı günündən bir neçə gün keçsə də, Ana Dildə təhsilə qoyulan qadağaya qarşı etirazlar davam edir.
Təbriz, Urmiyə, Sulduz, Miyana, Zəncan, Qərəzyaləddin, Məlikan və s. kimi şəhərlərdən sonra Sarab şəhərində də divarla üzərinə çoxlu şüarlar yazılıb.

Təhsil ocaqlarının açılışından 5 gün sonra Sarabda çoxlu şüarlara rast gəlinir. Aşağıdakı Fotolarda göründüyü kimi, məktəb (mədrəsə) binaları və qapılarının üzərində “Türk dilində mədrəsə - Olmalıdır hər kəsə”, “Mənim dilim ölən deyil”, “Ana Dildə mədrəsə”, “ana dili gözəldir, lakin mən bu gözəllikdən məhrumam”, “Azərbaycan mədrəsələrində hər zaman ana dili qayibdir” və s. kimi şüarlar geniş şəkildə yazılıb.

Bildirək ki, İranda təhsil sistemi ölkənin rəsmi dili olan fars dilindədir. Bununla yanaşı ermənilər də öz dillərində təhsil ala bilir. Son zamanlar isə kürd məktəblilər və öyrənciləri üçün ana dilləri tədris olunur, lakin türk dilinə qoyulan qadağa da heç bir dəyişiklik yoxdur. Bu vəziyyət uzun illərdir Güney Azərbaycanda ciddi etirazla qarşılanır.